El mga partes interesadas del varias sectores na provincia del Zamboanga Sibugay ya participa na firmada de pacto de paz y solidaridad para el pacifico eleccion na Mayo 12, 2025.
Asegun con el 102nd Infantry Brigade (102Bde), el actividad ya conduci el Martes na cancha cubierta del Zamboanga Sibugay Provincial Police Office (ZSBPPO) na Barangay Sanito, Ipil, el capital del provincia.
El evento que ya encabesa el ZSBPPO hay servi un plataforma para reinforza el esfuerzos colaborativo en el promocion de un segurao y creible ambiente electoral na provincia del Zamboanga Sibugay.
El Abogao Stephen Roy Cañete, el supervisor de eleccion provincial, ya enfatiza el significancia del pacto de paz en el formento de transparencia y creible elecciones.
Si Cañete ya anima con el mga participantes del evento para defende con el principios del democracia, asegurando el proceso electoral hay esta libre desde algun forma de intimidacion, manipulacion, o violencia.
Este firmada de covenante de paz y solidaridad ya marca un vital mojon en el fortalecimiento asociaciones entre agencias de aplicacion de ley, Comisiones de Elecciones, aspirantes political, y comunidad. (B. Garcia)