El Oficina de Pesca y Recursos Acuaticos, o BFAR, ya distribui 500,000 semilia de camaron y 100,000 semilia de bangus na siete municipios na Zamboanga Peninsula, asegun con el BFAR del Viernes.
Asegun con el oficina regional del BFAR, el mga semilia de camaron y bangus ya distribui con mga identificao 48 beneficiarios na siete municipios na region.
El BFAR ya habla, el mga identificao beneficiarios amo mga residentes del mga municipios de Tungawan, R.T. Lim, Ipil, Naga, Kabasalan, y Siay na provincia del Zamboanga Sibugay.
“Este iniciativa tiene el objectivo suporta con mga perscadores local mejora el produccion de acuicultura y promova sostenible piscicultura,” el oficina regional de BFAR ya habla na un anuncio.
Asegun con el BFAR, proporcionando semilia de alta calidad, el esfuerzos amo para aumenta el produccion, mejora seguridad de comida, reduci dependencia na mga importa semilia y cream as oportunidades con mga comunidades de pesca. (B. Garcia)