General Santos City – Luyo sa mga bomb threat messages nga mikatag sa Gensan dungan sa pagpamomba sa MSU-Marawi, ang kapulisan ug kasundalohan sa syudad sa Heneral Santos gisiguru ang kaluwasan sa publiko ilabi na sa pagsugod sa paskuhan nga mulongtad og duha ka semana.
Sa palibot sa plaza ug oval sa Gensan bantay sirado ang otoridad ug mas gipahugtan ang pagpasulod sa mga sakyanan. Pipila nga kadalanan sa pendatun ug pioneer avenue, gi-kordon aron makontrola ang pagsulod gawas sa mga sakyanan nga makamugna og trapiko.
Naghangyo sab ang kapulisan sa publiko nga makigkooperar kanila, gilayon nga moreport kung adunay mamatikdan nga kadudahang butang o kaha kadudahang lihok sa tawo. (Jun Abelo)Â