Seis mga armas de fuego o pusil de alta calibre, mga explosivo y bala el voluntariamente ya entrega con el 90th Infantry Battalion (90IB) el mga concierne residentes na municipio de M’lang, provincial de Norte Cotabato, asegun con el military del Domingo.
Asegun con el 6th Infantry Division (6ID), con el mga armas de fuego, explosivo y bala ya entrega el mga concierne residentes con el 90IB durante un ceremonia del Viernes na Barangay Gaunan na municipio de M’lang.
Asegun con el 6ID, el mga armas de fuego ta consisti un rifle Garand, un rifle M-14, un rifle M-79, un rifle bushmaster de calibre 5.56 millimetro, un Rocket-Propelled Grenade, y un rifle M-16.
Asegun con el 6ID, con el mga armas de fuego, explosivo y bala ya presenta durante un ceremonia na covered court del Barangay Gaunan con el mga oficiales del militar que ta inclui si Tiniente Coronel Rowel Gavilanes el comandante del 90IB; Brigadier General Donald Gumiran, comandante del 602nd Infantry Brigade; Alcalde Ruzzel Abonado del M’lang y otro mga oficiales del Barangay Gaunan.
Si Major General Antonio Nafarrete, el comandante del 6ID, ya alava con el iniciativas del mga concierne residentes de entregar con el mga armas de fuego na mga autoridad. (B. Garcia)