El Comision de Elecciones, o Comelec, y el sector de seguridad ta hace el necesario preparacion para asegura el pacifico y de orden el conducida del eleccion ma May 12, este año, na ciudad de Lamitan, Basilan.
Ese el centro del discussion cuando ya visita el Abogao Nasroding Mustapha, el nuevo nombrao oficial de eleccion na ciudad de Lamitan, ya visita del Martes na cuartel del 18th Infantry Battalion (18IB) na Barangay Campo Uno del mencionao ciudad.
Durante el junta de Mustapha con Teniente Coronel mark Serapion Lagud, Jr., comandante del 18IB, ya enfatiza el dos oficiales el importancia de grarantizar que segurao puede ejercita el publico con el de ila derechos constitucional.
Si Mustapha ya expresa su gratitud por el dedicacion del 18IB de suportar con el Comelec na conducida del libre, ordenado, honesto, pacifico, y credible elecciones.
Si Mustapha, como el nuevo nombrao oficial de eleccion na ciudad de Lamitan, ya releva con Señora merian Muarip-Limbo.
Con Limbo ya designa como el nuevo oficial de eleccion na sercano municipio del Tuburan, Basilan.
Durante el visitada de Mustapha na cuartel del 18IB, ya acompania conele su mga personajes, el mga jefes del unidades de policia y militar na provincia del Basilan. (B. Garcia)