El Comision de Elecciones, o Comelec, y el 18th Infantry Battalion (18IB) ya conduci comprehensivo revision sobre el implementacion de prohibicion de armas y operaciones de Comelec checkpoints, asegun con el militar del Miercoles.
Asegun con el 4th Civil Relations Group (4CRG), con el importante actividad ya conduci na cuartel del 18IB del Martes na Barangay Campo Uno, ciudad del Lamitan, provincia de Basilan.
Asegun con el 4CRG, ya enseña con el mga participantes del comprehensivo revision el husto procedimientos del Comelec checkpoints, garantizando el cumplimiento con el estandartes legal y comprende el esencial como el lo que debe hace y no hace para defende un justo y segurao proceso electoral.
Asegun con el 4CRG, el proactivo entreno ta descata el dedicacion del Fuerza Armada del Filipinas para garantiza un libre, de orden, de honestia, pacifico, y creible eleccion na Mayo 2025.
El iniciativa amo para evita iregularidad y mantene confiansa del publico na integridad del eleccion proporcionando con mga personajes con esencial sabidoria y habilidades.
Ademas, el asociacion del 18IB con el Comelec ta enfatiza el significante colaboracion entre agencia para proteje con el proceso electoral. (B. Garcia)