El mga autoridad ya aresta un persona y ya confisca valor de P687,600 contrabando na un campaña contra smuggling na provincia del Zamboanga del Norte, asegun con el policia del Miercoles.
El mando regional del policia, o Police Regional Office-9 (PRO-9), nohay mas nombra con el arestao persona quien un 20 años hombre individual.
Asegun con el PRO-9, con el suspechao ya aresta mga alas 3:30 del Martes tarde na Purok Tonggo, Barangay Minaog, ciudad de Dipolog, Zamboanga del Norte.
Asegun con el PRO-9, con el suspechao ya aresta por violacion del Ley de Republica 10643 o mas conocido como el ley de impuesto de pecado, o Sin Tax Law.
Asegun con el policia, ya confisca na posesion cel arestao suspechao 12 cajon de diferentes clase de cigarillos con P687,600 total valor de mercado.
Asegun con el PRO-9, con el arestao suspechao y el mga confiscao contrabando ya llevana cuartel del policia na ciudad de Dipolog para el propio disposicion.
Asegun con el PRO-9, hay continua el mando con el esfuerzos para eradica actividad de smuggling na region. (B. Garcia)