Dos asociaciones de siembradores na ciudad de Isabela provincia de Basilan ya recivi P1.1 millones ayuda financial por medio del un programa que ta administra el Departamento de Bienestar Social y Desarollo, o DSWD.
El ayuda que ya recivi sila del Viernes amo por medio del sostenible programa de busca lavida, o sustainable livelihood program (SLP) del DSWD.
Asegun con el oficina de informacion publico del ciudad de Isabela, aquellos quien ya recivi ayuda financial amo el mga asociaciones de siembradores de Barangay Lumbang y Barangay Sumagdang, que tiene total de 30 miembros.
El Asociacion de Kainginero del Barangay Lumbang ya recivi ayuda financial de P600,000 mientras el Mag-uuma ng Sumagdang ya recivi P550,000.
El SLP es un sinco-año programa que ta administra el DSWD.
El programa tiene el objetivo para proporciona sostenible ayuda de busca lavida con mga indigente miembros del comunidad.
Presente durante el entregada del ayuda financial amo mga barrio capitan y otro oficiales del Barangays Lumbang y Sumagdang, oficiales y representantes del CSWDO, DSWD, oficina de agircultura del ciudad, y mga beneficiarios del SLP. (B. Garcia)