Si Tiniente Coronel Jimmy Sanz, el nuevo designao comandante del 97th Infantry Battalion, recientemente ya conduci serie de visitada de cortesia con el mga jefe ejecutivo local del diferentes municipio na provincia del Zamboanga del Norte.
Si Sanz, quien ya asumi como el comandante de batallon del Noviembre 7, 2023, proactivamente ta establisa buen relacion con mga lideres local y viaria partes interesadas na provincia.
El lugar de operaciones del 97IB ta cubri el dos ciudad y 25 municipios del Zamboanga del Norte. Basico el colaboracion y cooperacion con el mga actores local para el buen exito del objeto del battalion.
Durante su visitada de cortesia, si Sanz ya expresa su deseo para trabaja hunto con el mga jefe ejecutivos local para enfrenta con el mga desafios y lleba paz y desarollo na provincia.
El hunta ya servi como un oportunidad para abre liña de comunicacion y establisa el fundacion para el esfuerzos colaborativo na futuro.
Asegun con el 97IB, el mga jefe ejecutivos local del diferente municipalidad del provincial ya expresa tamen de ila suporta con el nuevo instolao comandante del 97IB y el mission del mando, enfatizando el significancia de unido atendida con el seguridad y mejora con el de ila respectivo lugar.
El proactivo hunta con el mga lideres local ta demonstra el deseo del 97IB para cultiva un relacion armoniosa con el partes interesadas y asegurando un coordinao y colaborativo accion para cumpli su mandato. (B. Garcia, photo courtesy of 97IB)