Si Brigadier General Alvin Luzon, el comandante del 101st Infantry Brigade, ya comenda con el mga milicianos “CAFGU Active Auxiliary (CAA)” por el de ila dedicacion y invaluable conribucion na mantencion de paz y orden na provincial del Basilan.
Si Luzon ya ase el comendacion cuando ya visita le con el mga milicianos estacionao na Sitio Baroy, Barangay Sengal, ciudad del Lamitan del Lunes.
Na su mensaje, si Luzon ya alaba con mga milicianos por el de ila inquebrantable compromiso y sacrificio, reconociendo canila como mga heroes anonimos na continuando esfuerzo para defende con el seguridad y istabilidad na provincia de Basilan.
Ya expresa si Luzon su profundo gratitud con mga milicianos por el de ila implacable servicio y ya empatiza el pivotal papel na guardiada para el bienestar del comunidades local.
Durante su visitada, si Luzon ya distribui mga sombrero para usa el mga milicianos na rendida de servicio na comunidad.
Ya acompania con Luzon durante el visita con mga milicianos canda Coronel Frederick Sales, el diputado comandante del 101st Infantry Brigade, y si Tiniente Coronel Mark Serapion Lagud, Jr, el comandante del 18th Infantry Battalion. (B. Garcia)
