Iriga: Porcion kan Maharlikha Highway isasarado sa maabot na pintakasi o Kapistahan kan bawaan nin Nabua, Camarines Sur

0
13
(Photo courtesy of DPWH Region V-Bicol)

Isasarado sa gabos na klase nin vehiculo an pirang portion kan Maharlikha Higwhay sa Banwaan nin Baao, Bato, asin Nabua, Camarines Sur.

Segun sa iniluwas na Facebook post kan DPWH – Region 5, dae maagihan an Baao Junction (K046+050) kan nasambitan nang tinampo, na kun saen, saen dae maagihan an kacentruhan kan banwaan nin Nabua, Camarines Sur. Ini huli sa icoconducir na Pintakasi o Kapestahan kan Holy Cross sa maabot na Abril 21 hasta Mayo 5, 2024.

An schedule kan pagsarado kan tinampo iyo an minasunod:

-Abril 24, 2024 (12:00nn)
-April 26, 2024 (08:00am)
-May 1, 2024 (04:00 am to 02:00pm)
-May 2, 2024 (04:00 am to 05:00pm)

Para sa mga motorista na gikan sa banwaan nin Balatan, Camarines Sur paduman sa Ciudad nin Naga, pwedeng mag-agi an mga ini sa Albay Diversion Road asin magderetso sa Bula Provincial Road.

Pwede man mag-agi sa rutang Balatan-Legazpi via Nabua-Bato-Libon-Polangui Road.

Asin, sa rutang hali sa Ciudad nin Legazpi paduman sa Ciudad nin Naga, inaabisuhan an mga motorista na mag-agi sa Baao – Iriga City – Masoli Road.

Naghagad nin dispensa an DPWH – Regional Office 5 nij dispensa sa mga maapektaran na mga motorista. (Digz Martinez, Jr.)

(Source: DPWH Region V-Bicol)

Leave a Reply