Total de 67 bata que tiene el edad de 24 hasta 59 meses el ya puede dale bakuna el mga personajes del centro de salud na Barangay Sangali del Jueves por medio del suporta del Coast Guard Sub-Station (CGSS)-Sangali.
El CGSS-Sangali ya dale usa con del de ila barco de aluminio na transportada del mga personajes del centro de salud y mga bakuna para anda con mga residentes ta esta na canto’y aplaya.
Con el mga bata, ya dale bakuna contra polio, un inciativa para proteje con mga bata contra con el mecionao clase de enfermedad.
Asegun con el CGSS-Sangali, el de ila iniciativa de ayuda intendido para asegura cay mga residentes, particularmente mga bata na lubrigo y desatendidas lugar hay tene acceso para recivi bakuna contra polio.
El CGSS-Sangali ya emfatiza el importancia del esfuerzo colaborativo para atende con el concierne de salud del publico.
El CGSS-Sangali ya habla, ta esta sila comitido para dale usa de ila barco para el beneficio del mga vivientes. (B. Garcia)
