Oficialmente ya transferi ya el Philippine Army con el 64th Infantry Battalion (IB) desde’l provincia de Basilan para na provincia del Lanao del Sur.
El mga personajes del 64IB que ta encabesa si Tiniente Coronel Abel Potutan ya llega ya del Miercoles na ciudad de Marawi, Lanao del Sur.
Si Major General Gabriel Viray, III, el comandante de 1st Infantry Division, ya encabesa con el ceremonia de bienvenida que ya extende con el mga personajes del 64IB cuando ya llega sila na ciudad de Marawi.
Si Viray ya comenda y ya expresa su confiansa na abilidad del 64IB cay hay continua sila servi y defende el valores del Philippine Army.
Ya enfatiza tamen si Viray el importancia del unidad y cooperation entre diferentes battalion del 1ID para en orden efectivamente atende con el mga desafios de seguridad na Lanao del Sur.
Ademas, asegun con Viray el despelgada del batallon na un nuevo lugar de operacion seguramente hay tene pivotal papel para fomenta paz t orden na provincia del Lanao del Sur.
El 64IB tiene el largo historia de servicio y dedicacion con el pais.
El batllion instrumental na mantenida de paz y orden na provincia del Basilan y el de ila presencia na Lanao del Sur esperansao mas hay fortelece el esfuerzo de seguridad na region. (B. Garcia)
