Uno del mga siete suspechao na emboscada del mga personajes del policia el ya aresta mga autoridad durante un tirahan na provincia del Lanao del Sur, asegun con el policia del Sabado.
Asegun con Police Colonel Robert Daculan, el director del policia na Lanao del Sur, con el suspechao ya aresta del Viernes na Barangay Miculabo, Picong, Lanao del Sur.
Si Daculan nohay nombra con el arestao suspechao puera lang de habla’r un hombre le que tiene el edad de 23 años.
Asegun con Daculan, ya confisca tamen un calibre .45 pistola con seis bala na posesion del arestao suspechao.
Asegun con Daculan, con el uno del siete suspechao ya puede aresta cuando ya establisa de ila mga identificacion y si donde sila ta esconde.
Ya ocuri el tirahan cuando ya gole el mga suspechao el llegada del mga pulis na de ila kuta na Barangay Miculabo.
El otro seis suspechao ya puede escapa durante el tirahan, asegun con el PRO-BAR.
El siete suspechao ya man “ambush” con el mga personajes del policia na municipio de Picong del Jueves aga na Barangay Micolabo mientras muntao sila na vehiculo de patrulla y para bira ya na quartel de ila.
Mientras tanto, ta continua ase lagas mga pulis con el otro seis suspechao mientras ta prepara ya el caso criminal contra canila.
Si Police Brigadier General Prexy Tanggawohn, el PRO-BAR director, ya comenda con el personajes del policia por el de ila coordinao accion que ya resulta na identificacion del mga suspechao y aresto de ila de ila.
Asegun con Tanggawohn hinde sila descansa hasta hay puede cogi con todo’l mga suspechao.
Asegun con Daculan, el mga suspechao envuelto na actividades de droga ilegal na Barangay Micolabo, Picong. (B. Garcia)
