El Gender and Development (GAD) Services of the Office of the City Mayor of Zamboanga, ya conduci un Information, Education, and Communication (IEC) Material Development Training para con el miembros del GAD Focal Point System que ya conduci na Grand Astoria Hotel, Zamboanga City.
Na mensaje di concejal Hannah M. Nuño, que ya entrega por medio del su Asistente Ejecutivo (Executive Assistant), Ramon Matias Jr., ta enfatiza el importancia que debe equipa el GAD focal persons con el necesidades habilidad para desarrolla inclusivo y significativo IEC materials para na diila respectivo oficinas y comunidades.
Ya discuti tambien si Assistant Professor Arnold M. Ferolino, sobre el fundamental principio y el mejorao practicas na desarollo de gender-responsive IEC materials.
Este inclujido el propio usada de inclusive language, appropriate visuals, y mensajes que ta promove gender equality mientras ta evita con el gender stereotypes.
El entreno ya conduci tambien, durante el participantes activo ya aplica diila aprendiendo por medio evalua y crea ejemplo de materiales de IEC.
Por la tarde, el Assistant Professor Cedrick Zabala ya acaudilla tambien el GADvocacy by Design: Canva-Based IEC Development Workshop, durante el sesion, ya aprende el participantes si paquilaya usa el Canva para diseña (design) moderno y efectivo materiales de abogacia que alineao con el objeto del Gender and Development Program.
Ademas el taller, formas partes del continuando iniciativa de fortalecimiento de capacidad de GAD Services, y para mas fortalece el capabilidad del miembros de GAD Focal Point System na suportada con el implementacion de gender-responsive programs, projects, y actividades del govierno local de Zamboanga.(Keith Luna)