Naluwas ug gipagawas balik sa dagat ang usa ka babayeng Green Sea Turtle (Chelonia mydas) human kini aksidenteng nasangit sa pukot sa Barangay Siparok niadtong Hulyo 28, 2026.
Gilayon nga gitaho sa residente nga si Maise D. Balase ang insidente ngadto sa Department of Environment and Natural Resources–Community Environment and Natural Resources Office (DENR-CENRO) Manukan, nga maoy nakapahimo sa mga personahe sa pagresponde dayon.
Sa pagpanguna ni CENR Officer Reynaldo C. Cuaresma, gisusi sa grupo ang kahimtang sa pawikan ug nasuta nga kini himsog, walay samad, sakit, o bisan unsang abnormalidad. May sukod kini nga 48 sentimetro ang curved carapace length ug 46 sentimetro ang curved carapace width.
Human sa ebalwasyon, gitaoran ang pawikan og flipper tags nga adunay serial numbers PH1212A ug PH1211A subay sa standard marine turtle monitoring protocols sa wala pa kini luwas nga gipagawas balik sa iyang natural nga puy-anan.
Gipasalamatan usab sa DENR-CENRO Manukan ang responsableng pagreport sa residente, nga ilang giila nga dakong hinungdan sa pagpanalipod sa mga pawikan ug sa pagpalig-on sa konserbasyon sa yamang-dagat sa Zamboanga del Norte.(IKEN B. GULLEM)
Source: DENR Zamboanga Peninsula