Giturn-over sa Department of Social Welfare and Development (DSWD), pinaagi sa Sustainable Livelihood Program (SLP), ang Multidimensional Assiduous Mothers Laundry Shop ngadto sa usa ka women’s association sa Barangay Miputak aron mapalig-on ang ilang panginabuhian.
Gipahigayon ang turnover ceremony sa pakigtambayayong sa City Government of Dipolog pinaagi sa City Social Welfare and Development Office (CSWDO).
Mitambong sa maong kalihokan sila City Councilors Praxides P. Rubia ug Dr. Ryan Niel A. Asprer, nga nagrepresentar kang City Mayor Roberto Y. Uy, uban ni City Social Welfare and Development Officer Patrick S. Jalapadan.
Atol sa programa, gipasiugda sa mga opisyal sa siyudad ang padayon nga suporta sa lokal nga panggamhanan sa mga livelihood program nga nagtumong sa paghatag og dugang panginabuhian, pagpalig-on sa kababayen-an, ug pagpauswag sa kahimtang sa mga pamilyang Dipolognon pinaagi sa malungtarong mga oportunidad sa panginabuhi.(IKEN B. GULLEM)
Source: Dipolog City Government