El City Development Council (CDC) ya aprova del Martes con el composicion del miembros del City Zoning Board of Adjustments and Appeals (CZBAA), particularmente del Civil Society Organizations.
El composicion del miembros del CZBAA base este na City Zoning Ordinance.
Uno del quien ya recomenda na CDC amo el Zamboanga-Basilan Integrated Development Alliance, Inc. (ZABIDA) pormedio del de ila representante, si Doctora Grace Rebollos.
Bajo na Zoning Ordinance, el CZBAA debe tene un representante desde’l Philippine Institute of Civil Engineering (PICE) and the United Architects of the Philippines (UAP), Zamboanga Chapter, con kien ya nomina de ila repectibo organization y tiene el confirmacion del alcalde.
Ental caso nuay sila representante, el consejo del ciudad ay escuji desde;l miembros del organisasyon para ase completa con el composision del CZBAA.
Debe tamen tiene dos reprsentante dede’ls non-government organization (NGO) civil society organizations con kien ya nomina de ila maga respectibo group, SP accredited NGO y member del CDC y ya confirma el alcalde.
Como un appellate Board, maga miembros del CZBAA debe adopta de ila reglamento.
El Zoning Administrator por medio del Zoning, Planning and Programming Division que bajo na oficina del City Planning and Development Coordinator amo ay sirvi como el secretariat del CZBAA. (Cristine Falcasantos)
