El Association of Local Social Welfare and Development Officers del pais ya conferi un honor con el Alcaclde Maria Isabelle Climaco-Salazar como el Most Outstanding Local Chief Executive na pais para na categoriya del highly urbanized cities.
El association ya habla cay si Salazar ya puede dale eficiente servicio social y programa de mejoras, especialmente na peleya contra coronavirus disease 2019.
El honor ya conferi con el Alcalde Salazar del Miyerkoles durante el ceremonya del Gawad Parangal durante el aka-veinte sinco National Social Welfare and Development Forum y asembleya alla na SMX Convention Center, ciudad de Pasay.
El validating team del Gawad Parangal ya habla cay mga program y servicio del administracion de Salazar ya puede ayuda mucho con el menoriya y bulnerable sector del ciudad.
Asegun con el validating team cay bien commendable maga programa del alcalde.
Myentrastanto, si Salazar ya saka el suporta del maga alcalde de otro luga para proteje el derecho del mga bata con kien ta trata su administracion como mga VIP.
El allocation del fondo para el program de serbisyo sosyal ya omenta mas del ocho sientos por siento durante el termino do Salazar.
Por cause de este, ya puede dale suporta con sector del mga de edad, akellos tiene disabilidad y otro pa maga desventajao grupo. (Cristine Falcasantos)