El United Nations Children’s Fund-Philippines ya ase un hunta na uno del maga hotel aki na ciudad donde ya descuti sila aserca el Emergency Supply Strengthening Project como parte del de ila intencion para ase ancha de ila partnership con el maga suppliers y venteros para mejora mas el servicio aki na Mindanao.
Si UNICEF Country Supply and Logistics Specialist, Dr. John Philip Perez amo el ya encabesa con el hunta que ya ase del myerkoles.
Ya man hunto con Perez durante el hunta otro mga oficiales del UNICEF y ya participa maga officials del City Social Welfare and Development Office, Local Youth Development Office y City Disaster Risk Reduction Management Office.
Ya puede sila sabe durante el cuatro hora hunta si quien del maga ventero local y suppliers quien capas para produci local emergney supplies como el Covid-19 disinfectant, y family hygiene kits base na requerimiento del UNICEF.
Este ta sirvi parte del programa del UNICEF emergency response. (Cristine Falcasantos)