El Bureau of Fisheries and Aquatic Resources (BFAR) ta consturji un vente cuatro milyones de pesos hatchery na Barangay Tabon, Jose Dalman, Zamboanga del Norte.
Asegun con BFAR Regional Director Isidro Velayo Jr. cay el constuccion del hatchery ya ase posible del Republic Act No. 10859, que ta manda establisa in Multi-Species Marine Hatchery na Jose Dalman, Province of Zamboanga Del Norte.
El otor del ley amo el antes congresista del Segundo distrito del Zamboanga del Norte y ahora alcalde del Sindangan Rosendo Labadlabad.
Asegun con Velayo cay el hatchery amo para produci similia de fescao bangus y pompano incluhido similia de kangreho.
Presentamente, el provincial de Zamboanga del Norte ta importa similia del fescao bangus y pompano hasta de kangreho desde Indonesia cay ta falta el produccion de similia el mencionao provincia.
Si Velayo ya habla cay el hatchery capas produci dies milyon similia de fescao bangus y dos punto siete milyon similia de fescao pompano y uno punto sinco milyon similia de kangreho dentro de un anio.
Con el hatchery ay administra el BFAR por dos o tres anios y despues ay entrega ya con este na bajo el administrasyon del municipio del Jose Dalman. (Bong Garcia)