El Oficina de Servicios Generales del Ciudad, o CGSO, ta implementa proyecto de componida y cambiada del mas de 3,000 dilapidao poste de luces na camino na diferentes parte del ciudad.
Asegun con el Ingeniero Rene dela Cruz, el jefe del CGSO, mayor parte del mga poste de luces, puera lang con el mga recientemente ya pone panel solar, es programados ya para compone y cambia.
Asegun con Dela Cruz, mayor parte del mga poste de luces necesita compone y cambia locao dentro na siete kilometros distancia desde’l ciudad propio.
Si Dela Cruz ya enfatiza, el programa de componida y cambiada del mga poste de luces es un iniciativa de estandarte del CGSO.
Asegun con Dela Cruz, actualmente el ciudad tiene mas de 3,000 luces de camino sin panel solar, mientras tiene cientos luces con panel solar que ya instola ambos na costa oeste y este del ciudad. (B. Garcia)