El 547th Engineer Battalion (547EBn) ta construi un facilidad de Motor Pool Maintenance 7-Bay na Campo General Arturo Enrile para mejora el suporta y preparacion operacional del 2nd Logistics Support Group (2LSG) del Army support command.
El Campo General Arturo Enrile locao na Barangay Malagutay, ciudad de Zamboanga.
Asegun con el 4th Civil Relations Group (4CRG), el construccion del facilidad ya comensa despues del ceremonia de inaguracion del Lunes que ya pasa que ya atende el mga alto funccionarios del militar.
“El evento ya marka con el comensada del proyecto de infraestructura critical con el objetivo mejora con el capabilidades operacional y de mantenimiento del 2LGS,” asegun con el 4CRG na un anuncio.
“El facilidad envisionao para significamente mejora el suporta logistico y preparacion operacional del 2LGSG el Army Support Command del Philippine Army,” ya omenta el 4CRG.
Asegun con el 4CRG, el proyecto ta refleja el dedicacion de Philippine Army para mejora su infraestructura y proporciona decente lugar de trabajo con su mga personajes.
Asegun con el 4CRG, el construccion del proyecto esperansao completa na mga meses que biene y hay servi como un activo vital del 2LSG y su unidades de suporta, reinforzando el de ila dedicacion de exelencia servicio y eficiencia operacional. (B. Garcia)