El Coast Guard District Southwestern Mindanao (CGDSWM) ya reconoce con Señor Joselito Sangual por su acto desinteresado de extended refugio con un pescador desaparecido na aplaya del Barangay Napo, ciudad de Dapitan, Zamboanga del Norte.
El presentacion del Certifico de Apreciacion y premio de dinero ya conduci del Lunes durante el ceremonia de bandera na Coast Guard Station Zamboanga del Norte.
Asegun con el CGDSWM del Miercoles, si Señor Sangual enseguidas ya extende ayuda con un pescador con quien ya columbra le ta busca refugio.
Asegun con el CGDSWM, ya ofrece si Sangual su casa con el pescador amediante del mal tiempo que ya proteje y dale comodidad con el estrangero durante el critical hora.
Nohay mas nombra el CGDSWM si quien y de donde el pescandor que ya extende ayuda si Sangual.
“El emocionante momento hay ase canaton acorda cay sin limitacion el compassion y el un ordinario invididual puede hace un extraordinario acto por medio de hacer buenas acciones,” el CGDSWM ya habla.
Asegun con el CGDSWM, el un acto de bondad de Señor Sangual sin duda ay inspira con otros para extende ayuda en momentos de necesidad. (B. Garcia, photo courtesy of CGDSWN)