26.3 C
Manila
Sunday, March 3, 2024

Zamboanga: CGDSWM ya instola nuevo comandante del CGS-Zamboanga del Sur

- Advertisement -

El Coast Guard District Southwestern Mindanao (CGDSWM) ya inicia cambio na liderato del Coast Guard Station (CGS)-Zamboanga del Sur.

Si Commodore Marco Antonio Gines, el comandante del CGDSWM, ya encabesa con el entrego del cambio que ya conduci del Sabado na quartel del CGDSWM aqui na ciudad de Zamboanga.

Si Gines ya instola con Lieutenant Junior Grade Joseph Bani como el interino comandante del CGS-Zamboanga del Sur y ele ya releva con Lieutenant Senior Grade Erick Salcedo.

Asegun con el CGDSWM, si Salcedo ya recivi el Coast Guard Outstanding Achievement Medal y Ribbon como un reconocimiento del su notable servicio, dedicacion, y contribucion excepcional con el organizacion.

Si Gines ya expresa su maxima confianza y apreciacion con Salcedo por su dedicao servicio y notable contribucion con el CGDSWM.

Si Gines ya comprati tamen su felicitaciones y buenos deseos con Bani, como el interino comandante del CGS-Zamboanga del Sur. (B. Garcia, photo courtesy of CGDSWM)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -