Sinco miembros del grupo Abu Sayyaf el ya rindi y ya engrega armas de fuego na autoridad aqui na ciudad de Zamboanga, asegun con el policia local del Lunes.
Con el mga Abu Sayyaf rindidores ya nombra el policia como el mga siguientes: Amil Ingil Hamja, 60; Parad Enggil Hamja, 63; Jomil Hamja Abduharim alias Along Abduharim, 32; Romil Hamja Abduharim alias Alit Abduharim, 32; y si Ramil Isa Hamja alias Ramel Ammih, 29, todo mga residentes del Barangay Kasanyangan, en este ciudad.
Asegun con el policia, el sinco Abu Sayyaf rindidores ya rindi con mga autoridad mga alas 12:30 del Sabado tarde na Barangay Rio Hondo, en este ciudad.
Asegun con el policia, el sinco rindidores ya entrega un rifle Garand y un calibre .38 revolver con mga bala cuando ya rindi sila del Sabado con mga autoridad.
Asegun con el policia, el sinco rindidores mga siguidores del lider de Abu Sayyaf si Injimar Mangkabong alias Bensal Jakare, quien detenido ahora, y del defunto lider del Abu Sayyaf si Najir Arik.
Asegun con el policia, el mga rindidores envuelto na mga atrocidades na provincial del Sulu.
Envuelto tamen sila na mga actividades de abduccion con rescate del mga vivientes local y estrangero. (B. Garcia)