El Coast Guard District Southwestern Mindanao (CGDSWM) hunto con su estaciones y sub-estacones ya activa conel “Oplan Biyaheng Ayos: Pasko 2024 para asegura el seguridad del mga viajeros durante el temporadas navideñas.
Asegun con el CGDSWM, con el Oplan Biyaheng Ayos ya activa del Deciembre 20, 2024 y hay esta activo hasta na Enero 3, 2025 para servi con el publico viajero.
Asegun con el CGDSWM, el iniciativa es parte del dedicacion del agencia para garantiza el seguridad y bien organizao viaje durante el temporadas navideñas 2024, abarcando el celebracion del Pascua y Año Nuevo.
Bajo el bandera del Oplan Biyaheng Ayos: Pasko 2024, ta implementa proactivo medidas para prioriza el seguridad y proteccion del mga pasajeros amediante el anticipao omento del mga viajeros ta bolbe na de ila ciudad natal a traves de transportacion acuatico durante el temporada navideña.
Asegun con el CGDSWM, el mga estaciones y sub-estaciones ya pone mga Malasakit Help Desks na mga pantalan ta ofrese avisos de viaje, atende quejas, y dale inmidietamente ayuda medical si necesita.
El CGDSWM ya organiza tamen grupo de respuesta desplegable para algun posible incidente maritime na de ila lugar de respinsbilidad. (B. Garcia)