Un Zamboangueño atleta el ya gana medalla de bronze durante el Campeonato Mundial de Pencak Silat 2024 que ya hace na United Arab Emirates, asegun con un oficial de deportes del Lunes.
Si Dr. Cecil Atilano, el jefe del Oficina de Division de Deportes del Ciudad, ya nombra con el Zamboangueño atleta ganador de medalla como si Harold Ralph Ungaya.
Asegun con Atilano, si Ungaya ya gana medalla del bronze na categoria del Tanding male class 40 para 45 kilos durante el Campeonato Mundial de Pencak Silat 2024.
Asegun con Atilano, el competicion amo el aca-20 edicion del Campeonato Mundial de Pencak Silat y ya conduci junto con el Campeonato del aca-5 Junior Pencak Silat.
Si Atilano ya habla, el evento atletico amo el uno del mga mas grande y mas emocionamente reuniendo deportiva na region que ya lleva junto con mga atletas de primer nivel na entero mundo.
El competicion atletico ya conduci desde Deciembre 18 hasta 22 na Adnex Center na Abu Dhabi, UAE. (B. Garcia)