El Departamento de Obras Publicas y Carreteras, of DPWH, exitosamente ya completa con el P50 millones proyecto de control de inundaciones na provincia del Zamboanga del Sur.
Asegun con el DPWH-Zamboanga Peninsula del Martes, con el proyecto ya implementa na Rio de Salug Diut, Barangay Tungawan, Tambulig, Zamboanga del Sur.
Asegun con el DPWH-Zamboanga Peninsula, el proyecto que tiene el largor de 282.90 metros lineales ya establici un mafuerza y segurao defensa contra creciente inundaciones, signficamente ta reduci el efecto del inundacion devastadora que tiene historicamente ya afecta con el mga sercanos lugar residencial.
El completada de este proyecto, el DPWH ya esta dedicao para construi infraestructura resiliente de desastre, asegurando el seguridad y bienestar del comunidades salvaguardando vidas y propiedades desde afectos adversos de disastres natural.
Con el proyecto ya implementa del Oficina de Ingeniria del DPWH na primer distrito del Zamboanga del Sur. (B. Garcia)