Si Gobernador Victor Yu del Zamboanga del Sur y su esposa, el Congresista Divina Grace Yu del primer distrito del provincia, ya distribui regalo con el mga CAFGU Activo Auxiliares (CAAs) designao na 53rd Infantry Battalon (IB).
El distribucion del regalo financial ya conduci del otro semana na quartel del 53IB na Campo Sabido na Barangay Poblacion, Guipos y na Barangay Dao, ciudad de Pagadian, Zamboanga del Sur.
Total de 1,308 CAAs el ya recivi regalo desde con Gobernador Yu, quien ta servi como el presidente del Provincial Task Force to End Local Armed Communist Conflict del Zamboanga del Sur.
Asegun con el man maridable Yu, ta reconoce sila el importante papel del mga CAFGU na mantencion del paz y seguridad na Zamboanga del Sur.
“El seguridad es vital na de amon programa de H.E.A.R.T.S.; por causa del de ustedes sacrificio, ya tene buen resulta del programa de Health, Education, Agriculture, Roads and Bridges and Tourism,” el Gobernador Yu ya habla.
El mga CAAs designao ng mga destacamentos na todos partes del Zamboanga del Sur y ta servi como omento fuerza na conducida del control, partulla, seguridad del lugar, y repuesta humanitarian y de desastres.
Mientras tantos, si Tiniente Coronel Terence Ylanan, el comandante del 53IB, ya expresa su sincero gratitud con el gobernador y congresista quien ya dale prioridad na bienestar del mga CAAs.
(B. Garcia, photo courtesy of 53IB)