Iti panangpatanorna iti nasalun-at a komunidad iti maika-46 a tawen, inorganisar ti Mariano Marcos State University ti kaunaan a NUTRITALK itandudo ti nasalun-at nga estilo ti panagbiag kadagiti konstituente ken stakeholders ti MMSU.
Natemaan a “ACHIEVE a Healthy Lifestyle,” ti nasao nga aktibidad ket panagtitinnulong ti College of Medicine (CoM), College of Business, Economics, and Accountancy (CBEA) Departament of Tourism and Hospitality Management Department, College of Agriculture Food and Sustainable Development (CAFSD), Food Technology Department, College of Industrial technology (CIT) food processing and service management , ken University Infirmary.
Pinuntiria ti Nutritalk ti pannakabukel ti komunidad a naipamaysa iti panangsuporta ken panangitandudo iti natimbeng nga estilo ti panagbiag. Maysa pay, itampokna ti tarigagay ti unibersidad a maaddaan iti “Blue Zone”, maysa nga espesipiko a sakup ti lugar a napapaut ti panagbiag dagiti tattaona gapu iti nasin-aw a kasasaad ti salun-atda. Iti panglukat a programa, inkari ni MMSU President Shirley C. Agrupis a pagbalinenna ti MMSU a kaunaan nga blue zone university ditoy Pilipinas.
(April Joyce Gonzales)
(Source: Mariano Marcos State University)
