27.9 C
Manila
Sunday, April 14, 2024

Zamboanga: Ultimo 2 miembros del ‘GF Sendong’ ya rindi

- Advertisement -

El fuerza militar ta considera cay bungcao ya el ultimo activo Frente Guerrillero (Guerrila Front) Sendong del Western Mindanao Regional Party Committee (WMRPC) del New People’s Army (NPA) aqui na region.

El anuncio del fuerza militar ya vene despues del reciente rindida del ultimo dos miembros del GF Sendong na Barangay Danao, Sergio Osmeña, Zamboanga del Norte.

Asegun con el 102nd Infantry Brigade, aquellos quien ya rindi nombrao como canda Bebelin Labastida y si Matias Gaquit, ambos mga secretarios adjuntos.

Asegun con el 102nd Infantry Brigade, el rindida de canda Labastida y Gaquit es un consequencia del serie de encuentro del Deciembre 2023 donde cuatro rebelde NPA, incluido el de ila secretaria, el ya muri.

Asegun con el militar, canda Labastida y Gaquit ya entrega un rifle Ak-47 que ya significa el de ila compromiso para termina el de ila armao peleya.

Si Tiniente Coronel Jose Andre Monje, el comandante del 10th Infantry Battalion y del Task Unit Eradicator del 102nd Infantry Brigade, ya afirma el dedicacion del militar para mira con el bienestar del mga rebelde NPA quien ta rindi.

“Ay ayuda came canila, lleva canila na sercanos hospital para el consultacion medical y asegura cay esta sila bajo’l programa del gobierno nombrao como el Enhanced-Comprehensive Local Integration Program,” si Monje ya habla.

(B. Garcia, photo courtesy of 102nd Infantry Brigade)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -