El 101st Infantry Brigade ya encabesa un actividad para proteje con el mangle y limpiesa costal na urillando del Look Jambangan, Barangay Baluno na ciudad de Isabela, provincia del Basilan del Martes.
Asegun con Brigadier General Alvin Luzon, el comandante del 101st Infantry Brigade, el proteccion del mangle y limpiesa costal es uno del mga actividades sociocivicas en linea na comemoracion del 23 aniversario del su mando.
Con el actividad del Martes ya participa mga residentes y instituciones que tiene objetivo common de protejer conel medio ambiente.
Na su mensaje, si Luzon ya reitera el objetivo del su mando de iniciar con el actividad amo para manda man hunto-hunto con el mga vivientes y crea concierne y si cosa el efecto na mentalidad del mga hente de protejer con el medio ambiente.
Ya extende si Luzon su gratitud con el mga participantes quien ya dale tiempo suporta y man hunto na advocacia del su mando para proteje con el medio ambiente y preserva con el madre naturaleza.
Del Lunes, el 101st Infantry Brigade y el diferente sector y agencias de govierno ya siembra total de 1,250 similia de Yakal, Lauan, y Narra na Barangay Masola, ciudad de Isabela.
El siembrada de palo parte tamen na celebracion del 23 aniversario el 101st Infantry Brigade. (B. Garcia) (Photo courtesy of 101st Infantry Brigade)
