El Ministry of Agriculture, Fisheries, and Agrarian Reform na Bangsamoro Autonomous Region in Muslim Mindanao (MAFAR-BARMM) ya distribui 25 baca con ocho cooperativas na Basilan para suporta con mga agricultores local y fortalece seguridad de comida.
El mga recipiente cooperativas del mga abaca que ya distribui del otro semana es base ng mga municipios de Al-Barka, Maluso, Lantawan, Ungkaya Pukan, Sumisip, y ciudad de Lamitan.
Sila ta inclui el Magcawa Bangsamoro Service Cooperative, Mayahay Magtatanah Association, Basilan Meat Producers Association, Bud Tapsil Farmers Agriculture Cooperative, Bohe Suyak Agri-Fishery Association, Sungkayut MILF Farmers Association, y Lanbaahu Association.
Ademas, un baca el ya aloca con el sector religioso na Al-Barka, confiado con Ustadz Sulaiman Hotong para el benefico del comunidad local.
Si Hani Junuban, el director del MAFAR na provincia del Basilan, ya expresa su gratitud con el liderato del BARMM, recogniciendo el continuo suporta para na sector de agricultura y pesca.
“El objeto de este esfuerzo para sostene seguridad de comida y estabilidad economica para del mga constituentes del BARMM,” si Junuban ya habla.
Si Junuban ya enfatiza tamen el dedicacion del mga personajes del MAFAR na Basilan, elojiando de ila inquebrantable dedication para entrega servicios esencial con mga agricultores, pescadores y beneficiarios de reforma agraria.
Si Junuban ya habla, el distribucion del mg abaca es parte del gran esfuerzos del MAFAR para mejora productividad de agricultura, promove sustenable practicas de agricultura y impulsa el crecimiento del economico local.
Asegun con Junuban, este iniciativa aliniao con el uno del 12 agenda prioritaria de BARMM Chief Minister Ahod Ebrahim para promove desarollo de socio-economico, facilita el alivio de probreza, y fortalece el seguridad de comida regional. (B. Garcia)