El mga autoridad ya aresta dos personas y ya confisca P11.1 millones valor de contrabando durante un operacion de aplicacion de ley na provincia del Zamboanga del Sur, asegun con el policia del Viernes.
Asegun con el policia na provincia del Zamboanga del Sur, con el dos arestao personas ya conoce como canda alias Ricky, 43 años el edad, un chufer; y, si alias Alvin, 29, un pajinante de trak.
Asegun con el policia, canda Ricky y Alvin ya aresta y con mga contrabando ya confisca mga alas 9:40 del Jueves aga na Barangay Tiguma, ciudad de Pagadian, Zamboanga del Sur.
El mga personajes del policia, con el suporta del 53rd Infantry Battalion (53IB), ta conduci checkpoint implementando con el prohibicion de armas en el elecciones cuando ya hace sila para con un trak para inspecciona.
Durante el inspeccion, si Ricky ya habla ta transporta sila mga cigarillo, pero ya falla ele y su compañero presenta documentos del de ila cargamento.
Asegun con el policia, el trak ta contene 150 cajon de cigarillo que ya tapa de ojote. El mga confiscao cigarillo tiene el valor de P11.1 milones.
Con el confiscao smuggled cigarillo hay entrega na Buro de Aduana para el propio disposicion. (B. Garcia)