26.7 C
Manila
Sunday, February 25, 2024

Zamboanga: Autoridad ya bungca kuta de droga ilegal

- Advertisement -

Cuatro personas el ya aresta mga autoridad na un implementacion de un orden de buscada que ya resulta na bungcada de un kuta de droga ilegal na provincia del Zamboanga Sibugay, asegun con el Philippine Drug Enforcement Agency (PDEA) del Viernes.

El oficina del PDEA na provincia del Zamboanga Sibugay ya nombra con el mga arestao suspechao como el mga siguientes: Reyjohn Manuel, 19; Franc Consas, 33; Romel Cataluña, 23; y, si Rhizan Barwela, 25.

Asegun con el PDEA, con el mga suspechao ya puede aresta y con el kuta de droga ilegal ya bungca cuando ya servi un orden de buscada contra con Jozer Rillota mga alas 5:40 del Jueves tarde na Purok Magsasaka, Barangay Poblacion, Titay, Zamboanga Sibugay.

Sin embargo, si Rillota ya puede escapa durante el servida de orden de busca el combinao operativas del PDEA, policia y militar.

Asegun con el PDEA, ya puede recubri na kuta de droga ilegal el mga autoridad mas o menos 22 gramos de suspechao shabu que tiene el valor de P149,600, un calibre .38 revolver con un bala, y mga cosas na usada de droga ilegal.

Con el mga arestao suspechao ya pone bajo’l custodia del PDEA en preparacion para el plantada del formal asunto contra canila por violacion del Comprehensive Dangerous Drugs Act of 2002. (B. Garcia, photo courtesy of PDEA-9)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -