Wala damha sa mga biktima na ang ilang pag relax taliwala sa kainit sa panahon mao na diay kadto ang ilang katapusan human sila natumbahan sa punuan sa buli.
Didto kini nahitabo sa Sitio Luy-a, Barangay Lamac, lungsod sa Pinamungajan, probinsya sa Sugbo, pasado alas 2:00 kagahapon sa hapon, Enero 25, 2024.
Ang mga biktima giila sa Pinamungajan Municipal Police Station na mao sila si John Mark Abarquez 15 anyos ang panuigon ug John Kyle Cabilino, 12 anyos ang pangidaron, puros sila lumulupyo sa naasoy na lugar.
Sa inbestigasyon sa kapulisan nasayran na anang mga orasa naglingkod duol sa punuan sa buli ang mga biktima na wala damha na natumba kini og niigo kanila na maoy hinungdan sa ilang kamatayon.
Aduna pay laing mga minor de edad usab ang naangol sa maong pagkatumba sa buli na padayon giatiman karon sa tambalanan.
Sa pagkakaron padayon gi inbestigar sa kapulisan ang maong panghitabo na niangol ug nikutlo og mga kinabuhi.
(Renante Socia Lada, photo credits to the owner)