Un persona el ya aresta y valor de P300,000 droga ilegal y armas de fuego el ya confisca el mga autoridad na provincia del Maguindanao del Sur, asegun con el policia del Miercoles.
El policia, ya identifica con el arestao persona como si alias Sam, 36 años el edad y residente del Barangay Pandi, Datu Salibo, Maguindanao del Sur.
Asegun con el policia, con Sam ya aresta del Lunes na Barangay Kanguan, Datu Piang, Maguindanao del Sur.
Asegun con el policia, ta conduci checkpoint el mga pulis cuando ya ase sila para con un mini-van que ta maneja si Sam para inspecciona.
El policia ya habla, ya descubri el mga pulis durante el inspeccion cay ta lleva si Sam un calibre .45 pistola con mga bala sin licensia y droga ilegal que tiene el valor de P300,000.
Asegun con el policia, ya detene con Sam en preparacion para el plantada del asunto contra conele por illegal posesion de armas de fuego y violacion el Ley Integral de Drogas Peligrosas de 2002. (B. Garcia)