Ocho oficiales estudiantes del Coast Guard Officers’ Senior Executive Coure (CGOSEC) Class 03-24 Seminar Bravo el bajo na tres dias imerson na Western Mindanao Command (Westmincom), asegun con el militar del Miercoles.
El grupo ya llegal na quartel del Westmincom na Barangay Calarian, ciudad de Zamboanga, del Martes donde hay esta sila na tres dias immersion.
Asegun con el Westmincom, el objetivo del immersion amo para proporciona exposicion de primera mano con el mga estudiantes de CGOSEC aserca el estractura del commando unificado, dinamica operativa, y perspectiva estrategica.
El otro objetivo del immersion amo para mejora de ila comprehension y fomenta un grande colaboracion y sinergia entre organizaciones.
Asegun con el Westmincom, con el grupo del estudiantes del CGOSEC ta encabesa si Lyn Alquizar, comandante de la guardia costera.
Si Alquizar ya hace visitada de cortesia y ya recivi con ele si Brigadier General Aldrin Annani, el diputado comandante del Westmincom para el operaciones de defensa externo y otro mga oficiales del mando. (B. Garcia)