Un persona ta enfrenta el crimen de matansa y listao como un persona mas buscada na region el ya aresta el mga autoridad na provincia del Zamboanga del Sur, asegun con el policia del Lunes.
El mando regional del policia o Police Regional Office-9 (PRO-9), ya identifica con el arestao persona mas buscada como si Rowel Monera, legal el edad.
Asegun con el policia, con Monera ya aresta por medio del virtud de un orden de aresto mga alas 5 del Domingo tarde na Barangay Poblacion, Josefina, Zamboanga del Sur.
Asegun con el policia, si Monera tiene pendiente orden de aresto por el crimen de matansa que ya dale el un corte na Molave, Zamboanga del Sur.
Asegun con el policia, si Monera listao como el numero ocho personas mas buscada na region y el number since na municipio de Josefina.
El policia ya habla, con Monera ya pone bajo’l custodia del Criminal Investigation and Detection Group na provincia del Zamboanga del Sur para el propio disposicion.
Si Police Brigadier General Bowenn Joey Masauding, el jefe del mando regional del policia, ya comenda con el mga personajes del policia por el exitoso aresto de Monera.
“Este operacion es un resulta del continuando esfuerzos para aresta con mga individuales ta enfrenta crimen,” si Masauding ya habla. (B. Garcia)