Un casa el ya man uput na incidente de incendio na costa esta del ciudad de Zamboanga, asegun con el Zamboanga City Fire District (ZCFD) el Lunes.
Asegun con el ZCFD, el incendio ya ocuri mga alas 10:28 del Domingo denoche na Barangay Buenavista, kilometro 56, na costa esta del ciudad de Zamboanga.
El ZCFD ya nombra con el dueño del casa que ya man uput na incendio como si Johndie Flores, legal el edad.
Asegun con el ZCFD, con el incendio que ya llega na primer alarma, ya puede controla mga alas 10:45 del noche y completamente ya apaga mga alas 11:05 del noche.
El ZCFD ya habla bajo pa el investigacion si cosa el causa el incendio.
El destroso ya causa el incendio tiene el estimao valor de P75,000. (B. Garcia)