Un persona clasificao como el numero 10 persona mas buscada na region el ya aresta el mga autoridad na un operacion de aplicacion de ley na ciudad de Zamboanga, asegun con el policia del Lunes.
Si Police Brigadier General Bowenn Joey Masauding, el director del mando regional del policia o Police Regional Office-9 (PRO-9), ya nombra con el arestao persona mas buscada como si Mohammad Aima Barri Alih.
Asegun con Masauding, con Alih ya aresta na un operacion de aplicacion de ley por medio de servi’r orden de aresto mga alas 10:44 del Domingo Denoche na Barangay Zambowood, ciudad de Zamboanga.
Asegun con Masauding, si Alih tiene pendiente orden de aresto por el crimen de carnapping sin recomendao piansa que ya dale el un corte na ciudad de Zamboanga del Octubre 5, 2022.
Con Alih ya pone bajo’l custodia del Zamboanga City Police Office para el propio disposicion.
Asegun con Masauding, con Alih ya aresta el combinao operativas del policia y military. (B. Garcia)