Usa ka juvenile whale shark, locally nailhan nga butanding, nakit-an sa kadagatan sa Brgy. Punta Engaño sa dakbayan sa Lapu-Lapu niadtong Sabado, Nobiyembre 2, 2024
Ang netizen nga si Joemar Palis mikuha og hulagway ug nag-record og mubo nga video sa whale shark samtang kini naglangoy duol sa ibabaw aron makita sa tanan.
Baby Butanding sa Lapu-Lapu City Punta-engano unexpected… Team z,” caption ni Palis sa iyang post.
Matud pa ni Palis nga sakay siya sa usa ka speedboat, uban sa iyang mga higala, sa dihang ilang nakita ang whale shark.
Sa laing bahin, makita ang dagkong pawikan ug sardinas sa kabaybayonan sa Lapu-Lapu nga gibantayan sa Lapu-Lapu City Government. Personal nga nasinati ni Mayor Junard “Ahong” Chan ang sardinas run atol sa dive niadtong Mayo 5, 2024. (Renante Socia Lada)