El mga autoridad ya aresta tres personas mas buscada na un operacion de aplicacion de ley na provincia del Lanao del Sur, asegun con el policia del Lunes.
Asegun con Police Colonel Robert Daculan, el director del policia na provincia del Lanao del Sur, con el tres persona mas buscada na un operacion de aplicacion de ley por medio de servi’r orden de aresto mga alas 11 del Domingo aga na Barangay Beta Proper, Lumbaca-Unayan, Lanao de Sulu.
Si Daculan nohay identifica con el mga arestao persona mas buscada puera lang de habla’r todo sila mga residentes del Barangay Beta Proper, Lumbaca-Unayan.
Asegun con Daculan, el tres personas mas buscada tiene pendiente orden de aresto por el crimen matansa sin recomendao piansa que ya dale el un corte del Malabang, Lanao del Sur, del Junio 2, 2023 y del Mayo 30, 2024, respetivamente.
Asegun con Daculan, con el tres arestao personas mas buscada ya pone bajo’l temporario custodia del Lanao del Sur Police Provincial Office. (B. Garcia)