El mga autoridad ya aresta un menor de edad individual y ya confisca P3.16 millones valor de smuggled cigarillo na un operacion de aplicacion de ley na provincia del Sulu, asegun con el police del Lunes.
El Sulu Maritime Police Station (MARPSTA) ya nombra lang con el arestao menor de edad como si alias Den quien ta servi como espiya del mga suspechao smugglers.
Asegun con el Sulu MARPSTA, con Den ya aresta y con el mga smuggled cigarillo ya confisca del otro semana na Barangay Tanduh Bagua, Patikul, Sulu.
El policia ya sabe, con Den ya empleya canda alias Jam y Ali, el mga dueño del smuggled cigarillo para servi de espia.
Asegun con el policia, canda Jam y Ali ya puede escapa cuando ya confisca el mga pulis con el mga contrabando.
El mga operativas del Sulu MARPSTA ya puede confisca 55 cajon de diferentes clase de smuggled cigarillo que tiene el valor de P3.16 millones.
Con el mga confiscao smuggled ciragillo ya pone bajo’l custodia del Sulu MARPSTA mientras con Den ya entrega na custodia del Oficina Municipal de Bienestar y Desarollo Social para el propio disposicion. (B. Garcia)Â