El oficina regional del Departamento de Agricultura (DA) ya distribui P12.2 millones valor de maquinaria con mga asociaciones de siembrador para mejora de ila produccion de agricultura.
Asegun con Arben Magudo, el agricultor de ciudad, con el mga maquinaria ya distribui del Viernes na cancha cubierta del Barangay Culianan.
Asegun con Magdugo, el mga maquinaria que ya distribui el oficina regional del DA ta inclui el mga siguientes: rice combined harvester, cuatro traks, dos tractora con trailer, siete cortadores de hierba, y 20 saco de semilia de arroza endogamicas.
El mga recipientes asociaciones de siembradores amo del mga siguientes barrio: Tumaga; Manicahan; Curuan; Culianan; Vitali; Cabaluay; Guisao; Dulian-Upper Bunguiao; Mampang; y, Talabaan.
Asegun con Magdugo, con el mga recipientes ya identifica su oficina base na de ila necesidades.
El distribucion del mga maquinarias de agricultura ya facilta el Alcalde John Dalipe y su hermano, el representante del segundo distrito Manuel Jose Dalipe.
Si Nonong Estrada, el Oficial de Coordinacion Provincial para de Zamboanga, amo el ya representa con el oficina regional del DA durante el distribucion del mga maquinaria de agricultura. (B. Garcia)