El mga autoridad ya aresta dos personas y ya confisca mas de P1 millon valor de droga ilegal na un campaña contra droga na provincia del Lanao del Sur, asegun con el policia del Lunes.
Si Police Colonel Robert Daculan, el director del policia na Lanao del Sur, ya nombra lang con el mga arestao suspechao como canda alias Yusoph, 35 años el edad y residente de Barangay Raya Saduc, ciudad de Marawi, y si alias Norhalin, 26, residente del Barangay Lilod Saduc, del mismo ciudad.
Asegun con Daculan, con Yusoph y Nor ya aresta na un operacion de compra busto mga alas 7 del Sabado denoche na Barangay Poblacion, ciudad de Marawi, Lanao del Sur.
Si Daculan ya habla, ya confisca na posesion de canda Yusoph y Nor 150 gramos de suspechao shabu enpaquetao na dos bolso transparente plastico que tiene el valor d P1,020,000, un paquete de habon, 224 pedaso del P1,000 de robar dinero que ya pone incima un real P1,000 marcao dinero, y un paquete plastico del un compania de mensajeria.
Ademas, Asegun con Daculan, el barrio capitan del poblacion y un representante de media ya man testigo con el actual inventario fisico del mga evidencia ya conduci na presencia del mga arestao suspechao.
Si Daculan ya habla, con el mga arestao suspechao y confiscao evidencia ya lleva na quartel del policia na ciudad de Marawi para el propio disposicion.
Asegun con Daculan, hay continua de ila Campania contra droga ilegal para asegura el proteccion del mga residentes na Lanao del Sur. (B. Garcia)