Si Brigadier General Leonardo Peña, el comadante del Joint Task Force (JTF)-Orion, ya enfatiza con mga personajes del 18th Infantry Battalion (18IB) y restante tropas del 101st Infantry Brigade (101Bde) el importancia del obligacion na Dios, pais, y gente del cada soldao.
Ese el mensaje de Peña cuando ya visita le del Domingo na quartel del 18IB na Barangay Campo Uno, ciudad de Lamitan, Basilan.
Si Peña ya dale importancia el profundo obligacion y dedicacion con Dios del cada soldao, permitiendo cada soldao y official para defende un alto sentido de disiplina crucial na acomplisimiento del mision.
El mga personajes del 18IB que ta encabesa si Tiniente Coronel Mark Serapion Lagud Jr. ya extende un calurosa bienvenido con Peña durante el visitada del official del Domingo.
El evento amo el primer official visitada de Peña na quartel del 18IB como el comandante del JTF-Orion.
El visitada de Peña ta demostra el obligacion para asegura el seguridad y duradera paz para del mga residentes de Basilan.
Si Peña amo tamen el comandante del 11th Infantry Division base na Jolo, Sulu puera del JTF-Orion. (B. Garcia)