Un conocido vendedor de droga ilegal el ya aresta y ya confisca P136,000 valor de shabu el mga autoridad na un Campania contra droga na ciudad de Marawi, Lanao del Sur, asegun con el policia del Martes.
Si Coronel Robert Daculan, el director del policia na Lanao del Sur, ya identifica con el arestao suspechao como si alias Oking, de legal el edad.
Asegun con Daculan, con Oking ya aresta na un operacion de compra busto mga alas 6:30 del Sabado denoche na Barangay Pugaan, ciudad de Marawi, Lanao del Sur.
Asegun con Daculan, ya confisca na posesion de Oking mas o menos 20 gramos de suspechao shabu enpaquetao na 14 termosellada transparente plastico sobrecitos que tiene el valor de P136,000, y dinero de compra busto.
Si Daculan ya habla, con el suspechao y mga evidencia ya pone bajo’l custodia del policia na ciudad de Marawi para el documentacion y preparacion para el plantada del caso contra conele.
Si Daculan ya habla, el operacion de compra busto ya conduci el policia del ciudad de Marawi siguiendo el bisiada na actividades de Oking relatao the vendida de droga ilegal. (B. Garcia)