Nakabsan sa kinabuhi ang usa ka babayeng nagmaneho og motorsiklo human kini mabangga sa usa ka truck sayong kabuntagon sa Pebrero 17, 2025, sa Barangay Catarman, Liloan, Cebu.
Ang biktima nga si Cristine Abarollo Tindoy, 29-anyos, nagmaneho sa usa ka puti nga Honda Click (Plate #070105) dihang nabangga sa usa ka truck (Plate #NGX 9622) nga gimaneho ni Randy Mangibat Baliquid, 42-anyos.
Base sa inisyal nga imbestigasyon sa Liloan Police, ang motorsiklo nagpadulong sa southbound lane samtang ang truck paingon sa northbound lane. Pag-abot sa lugar sa aksidente, nawad-an og kontrol ang motorsiklo ug nabangga sa truck.
Si Tindoy gidala sa Eversly Child Sanitarium General Hospital apan gideklarar nga dead on arrival (DOA) ni Dr. Christian Lim. Samtang ang duha ka pasahero nga sila si Farah May Alvaro Bataluna, 29-anyos, ug si Princess, 10-anyos, nakaangkon og mga samad ug anaa karon sa Mendero Hospital.
Ang driver sa truck kasamtangang ana sa kustodiya sa kapulisan samtang nagpadayon ang imbestigasyon. (Renante Socia Lada)